“Moskva 24” telekanalı Rusiyanın Azərbaycanlı Gənclər Birliyinin 10 illiyinə həsr olunmuş tədbirdən reportaj hazırlayıb
25/06/2019

“Moskva 24” telekanalı Rusiyanın Azərbaycanlı Gənclər Birliyinin (RAGB) yaranmasının 10 illiyinə həsr olunmuş Azərbaycan Mədəniyyəti Günündən reportaj hazırlayıb.

“Moskva 24” telekanalı Rusiya paytaxtındakı M.V.Lomonosov adına Moskva Dövlət Universitetinin “Aptekarski oqorod” Nəbatat bağında keçirilən tədbirdən reportaj hazırlayıb. Reportajda tamaşaçılara RAGB-nin sədri Leyla Əliyevanın tədbirdə çıxışının bir hissəsi, habelə Nəbatat bağının direktoru Aleksey Reteyumun müsahibəsi təqdim edilib. Bildirilib ki, bayram tədbiri minlərlə insana Azərbaycan mədəniyyəti ilə tanış olmaq imkanı yaradıb.

Reportajda on il ərzində RAGB-nin mötəbər gənclər təşkilatına çevrildiyi vurğulanıb, Birliyin həyata keçirdiyi uğurlu layihələrdən bəhs olunub.